آپ آف لائن ہیں
پیر 8؍ ربیع الاوّل1442ھ 26؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نسیم شاہ کو زمبابوے کیخلاف ون ڈے سیریز میں آرام دینے کا فیصلہ

قومی کرکٹ ٹیم کے نوجوان فاسٹ بولر نسیم شاہ کو زمبابوے کے خلاف ہونے والی ون ڈے سیریز میں آرام دینے کا فیصلہ کیا گیا ہے۔

نوجوان فاسٹ بولر نسیم شاہ راولپنڈی میں جاری نیشنل ٹی ٹوئنٹی کپ کے دوران گروئن انجری کا شکار ہوکر ایونٹ کے دوسرے مرحلے سے دستبردار ہو چکے ہیں۔

ذرائع ٹیم مینجمنٹ کے مطابق نسیم شاہ کی تکلیف سنجیدہ نوعیت کی نہیں ہے لیکن انہیں زمبابوے کے خلاف ون ڈے سیریز میں آرام دینے کا فیصلہ کیا گیا ہے۔


زمبابوے کے خلاف ون ڈے کرکٹ سیریز کے میچز 30 اکتوبر، یکم اور تین نومبر کو کھیلے جائیں گے جبکہ ٹی ٹوئنٹی سیریز کا آغاز 7 نومبر سے ہوگا۔

ٹیم ذرائع کا کہنا ہے کہ آئندہ کے مصروف انٹرنیشنل شیڈول کی وجہ سے نوجوان بولرکو آرام دینے کا فیصلہ کیا ہے تاکہ وہ سوفیصد فٹ ہوں ، جبکہ سیریز میں نسیم شاہ کی جگہ محمد موسی کو اسکواڈ میں جگہ مل سکتی ہے ۔

کھیلوں کی خبریں سے مزید