پریانکا کے کیپشن نے مداحوں کو چکرا دیا

بھارتی اداکارہ پریانکا چوپڑا نے سوشل میڈیا پر اپنے مداحوں کو خود سے ملنے کا مقام بتایا ہے جسے پڑھنے کے بعد مداحوں کے دماغ چکرا کر رہ گئے ہیں۔

زندگی سے بھر پور بھارتی دیسی گرل پریانکا چوپڑا نے فوٹو، ویڈیو شیئرنگ ایپلیکیشن انسٹا گرام پر اپنے مداحوں کے ساتھ کچھ تصاویر شیئر کی ہیں جن میں وہ خوشگوار موڈ میں خوب اُچھل کود کرتے ہوئے کسی جنگل نما سبز و شاداب مقام پر انجوائے کر رہی ہیں۔

پریانکا چوپڑا نے اپنی انسٹا پوسٹ پر مداحوں کو خود سے ملنے کا مقام بتاتے ہوئے کیپشن میں لکھا ہے کہ ’چوراہے پر ملتے ہیں‘، جبکہ پریانکا نے اپنے موجودہ پتے سے متعلق لوکیشن میں لکھا ہے کہ وہ یورپ میں کہیں موجود ہیں۔

پریانکا چوپڑا کی پوسٹ پر اُن کے دنیا بھر میں موجود مداحوں کی جانب سے خوب پیار کا اظہار کیا جا رہا ہے اور پریانکا کی تصاویر کو ’کیوٹ ‘ قرار دیا جا رہا ہے۔

واضح رہے کہ گزشتہ دنوں بھارتی فلم اسٹار پریانکا چوپڑا کا نیا روپ دیکھ کر مداحوں نے اُنہیں ’ملکہ‘ قرار دے دیا تھا۔