آپ آف لائن ہیں
بدھ3؍ربیع الاوّل 1442ھ21؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

زمبابوے سیریز کیلئے قومی اسکواڈ کا اعلان کل ہوگا


زمبابوے کے خلاف سیریز کیلئے قومی اسکواڈ کا اعلان کل کیے جانے کا امکان ہے ۔

سابق چیف سلیکٹر مصباح الحق نے نیشنل ٹی ٹوئنٹی کپ کے بعد اسکواڈ کا اعلان کرنے کا فیصلہ کیا تھا مگر وہ اپنے عہدے سے مستعفی ہوگئے ہیں، امکان ہے کہ پی سی بی پریس ریلیز کے ذریعے ٹیم کا اعلان کرے گا۔

ذرائع کے مطابق ون ڈے اور ٹی ٹوئنٹی سیریز کے لیے22 سے 23 کھلاڑیوں کے ناموں کا اعلان کیا جا سکتا ہے، سیریز سے قبل انٹرا سکواڈ ون ڈے میچز بھی پلان کیئے جا رہے ہیں ۔

سیریز میں سابق کپتان شعیب ملک کو آرام دینے پر اتفاق کیا گیاہے ، آل راؤنڈر فہیم اشرف کی شمولیت کے علاوہ عبد اللہ شفیق اور خوشدل شاہ کی بھی ٹیم میں شمولیت یقینی دکھائی دے رہی ہے ۔

ذرائع کاکہنا ہے کہ نسیم شاہ کو فٹنس مسائل کے باعث آرام دیا جا رہا ہے، ان کی جگہ موسی خان کو اسکواڈ میں شامل کیا جا سکتا ہے، اس کے علاوہ تجربہ اور فارم کی بنیاد پر وہاب ریاض ٹیم میں برقرار رہ سکتے ہیں ۔

ٹیم میں دوسرے وکٹ کیپر کے طور روحیل نذیر کا نام زیر غور ہے، جبکہ سرفراز احمد کا جگہ برقرار رکھنا مشکل ہے۔

سیریز میں بابر اعظم پہلی مرتبہ ون ڈے کرکٹ میں بھی قیادت کریں گے ۔

واضح رہے کہ پاکستان اور زمبابوے کی ٹیموں کے درمیان تین ون ڈے اور تین ٹی ٹوئنٹی میچز ہوں گے ، جبکہ زمبابوے ٹیم 20 اکتوبر کو پاکستان پہنچے گی ۔

کھیلوں کی خبریں سے مزید