آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امارات کی پہلی کمرشل پرواز اسرائیل پہنچ گئی

متحدہ عرب امارات کی پہلی کمرشل پرواز اسرائیلی دارالحکومت تل ابیب پہنچ گئی ہے۔ 

اسرائیل اور امارات کے جھنڈے لہراتے ہوئے اتحاد ایئرویز کا بوئنگ گرین لائنر 787 مسافر طیارہ ابوظبی سے پرواز کرتے ہوئے پیر کو تل ابیب کے بن گورین بین الاقوامی ہوائی اڈے پہنچا۔

یہ پرواز سعودی فضائی حدود عبور کرتے ہوئے اسرائیل پہنچی۔

ہوائی اڈے پر اسرائیلی حکام نے مہمانوں کا والہانہ استقبال کیا۔ یہ کسی بھی خلیجی ملک سے اسرائیل کے لئے پہلی کمرشل پرواز ہے۔ 


اسرائیلی وزارت ٹرانسپورٹ نے اعلان کیا ہے کہ بن گورین ہوائی اڈے سے ابوظبی اور دبئی کے لئے ہفتہ وار 28 پروازیں چلائی جائیں گی، اور اس سلسلے میں دونوں ممالک کے درمیان باضابطہ معاہدے پر دستخط منگل کے روز کیے جائیں گے۔ 

معاہدے کے تحت جنوبی اسرائیل کے شہروں اور اس کے علاوہ 10 کارگو پروازیں چلائی جائیں گی۔

امارات اور اسرائیل نے 15 ستمبر کو امن معاہدہ اور سفارتی تعلقات قائم کرنے کا اعلان کیا تھا۔

بین الاقوامی خبریں سے مزید