جلال آباد بھگدڑ کے زخمیوں کی جلد صحت یابی کیلئے دعاگو ہوں، وزیراعظم عمران خان

وزیراعظم عمران خان نے افغانستان کے شہر جلال آباد میں بھگدڑ کے نتیجے میں ہونے والی اموات پر اظہار افسوس کیا ہے۔

عمران خان نے کہا کہ جلال آباد میں پاکستانی ویزا کے حصول کے خواہاں افغان شہریوں کی بھگدڑ سے اموات پر گہرا دکھ پہنچا۔

جلال آباد میں پاکستانی قونصل خانے کے قریب اسٹیڈیم میں بھگدڑ، ہلاکتیں 15 ہوگئیں

افغانستان کے شہرجلال آباد میں پاکستانی قونصل خانے کے قریب اسٹیڈیم میں بھگدڑ مچنے سے گیارہ افغان خواتین سمیت پندرہ افراد جاں بحق ہوگئے، خواتین سمیت دس سے زائد افراد زخمی ہیں۔

وزیر اعظم نے کہا کہ ان کی تمام دعائیں اور ہمدردیاں متاثرہ خاندانوں کے ساتھ ہیں، وہ زخمیوں کی جلد صحت یابی کیلئے دعاگو ہیں۔

واضح رہے کہ جلال آباد میں پاکستانی قونصل خانے کے قریب اسٹیڈیم میں بھگدڑ مچنے سے گیارہ افغان خواتین سمیت 15 افراد جاں بحق ہوئے تھے۔