پشاور: بی آر ٹی سروس دوبارہ شروع کرنے کا اعلان

پشاور میں بس ریپڈ ٹرانزٹ (بی آر ٹی) کمپنی نے مسافر بسوں کی ازسر نو چیکنگ، نئے آلات کی تنصیب اور روڈ ٹیسٹنگ کے بعد اپنی سروس 24 اکتوبر سے دوبارہ شروع کرنے کا اعلان کردیا ہے۔

ترجمان ٹرانس پشاور کے مطابق بی آر ٹی بس سروس 24 اکتوبر سے دوبارہ بحال کی جائے گی۔

انھوں نے کہا کہ عوام کو محفوظ اور بہترین سفری سہولت دینا ادارے کی اولین ترجیح ہے۔

پشاور میں بی آر ٹی بس میں آگ لگ گئی، کوئی جانی نقصان نہیں ہوا

پشاور کے علاقے حیات آباد میں بی آر ٹی بس میں آگ لگ گئی جسے ریسکیو عملے نے بجھا دیا۔ آگ ایئر کنڈیشنر میں لگی تھی جس کے بعد مسافروں کو بحفاظت اسٹیشن سے باہر نکال لیا گیا تھا۔ واقعے میں کوئی جانی نقصان نہیں ہوا۔

ترجمان کے مطابق ماہرین نے سروس کی بحالی کے لیے دن رات کام کیا۔

انھوں نے بتایا کہ بی آر ٹی بسوں کی جامع تحقیقات، نئے آلات کی تنصیب اور روڈ ٹیسٹنگ کے بعد سروس دوبارہ شروع کی جارہی ہے۔

ترجمان کے مطابق مسافروں کی حفاظت کے پیشِ نظر بس سروس عارضی طور پر 17 ستمبر کو معطل کی گئی تھی۔

پشاور: بی آر ٹی کی ایک اور بس میں آگ بھڑک اٹھی

ٹرانس پشاور کے ترجمان عمیر خان نے جیو نیوز کو بتایا کہ بس میں اچانک آگ بھڑک اٹھی تھی تاہم کسی قسم کا جانی نقصان نہیں ہوا۔

ترجمان کا کہنا تھا کہ بی آر ٹی کے مسافروں کے لیے ماسک پہنا لازمی قرار دیا گیا ہے۔

انھوں نے کہا کہ بی آر ٹی کی مرکزی راہداری کے ہر اسٹیشن پر ہر 2 سے 4 منٹ کے بعد بس پہنچے گی۔

ترجمان نے عوام سے درخواست کی کہ مسافر بسوں میں غیر ضروری رش پیدا نہ کریں اور اگلی بس کا انتظار کریں۔