• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان: گاڑی میں سوار خواتین سے 15 تولے سونا چھین لیا گیا

میرا شہر
ملتان
23 اکتوبر ، 2020
ملتان (سٹاف رپورٹر) شہر اور اس کے گردونواح میں نامعلوم مسلح ڈاکو اور چور چوری اور ڈکیتی کی وارداتوں میں شہریوں سے لاکھوں روپے مالیت کا سامان اور نقدی لوٹ کر لے گئے، مقدمات درج۔ تھانہ گلگشت کے علاقہ میں نامعلوم افراد شبیر کے گھر کے تالے توڑ کر زیوارات اور نقدی لوٹ کر فرار ہوگئے۔ نامعلوم مسلح افراد نے محمد مکی کی گاڑی روکی اور اسلحہ کے زور پر اسکے اہل خانہ سے 15 تولہ سونا لوٹ کر فرار ہوگئے۔ تھانہ لوہاری گیٹ کے علاقہ میں نامعلوم افراد محمد قسور سے موبائل فون چھین کرلے گئے۔تھانہ شاہ رکن عالم کے علاقہ میں چور مدثر کے گھر سے نقدی، لیپ ٹاپ و دیگر سامان چوری کرکے لے گئے۔نامعلوم مسلح افراد عرفان کے گھر سے سامان لے کر فرار ہوگئے۔ ارشد اقبال سے موبائل فون چھین لیا گیا۔ کچہری روڈ سے کاشف، آرٹس کونسل کے باہر سے ناصر کی موٹرسائیکلیں چوری ہوگئیں اور شہریوں کی جیبوں سے 5 موبائل فون چوری کرلئے گئے، تھانہ بدھلہ سنت کی حدود میں ظہور کی  بھینس چوری ہوگئی، پولیس نے مقدمات کا اندراج کرلیا۔
تازہ ترین