آپ آف لائن ہیں
ہفتہ12؍ربیع الثانی 1442ھ 28؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مادھوری ڈکشٹ بھی کورونا وارڈ میں ڈاکٹر کے ڈانس کی مداح ہوگئیں

ممبئی (مانیٹرنگ ڈیسک)کورونا وائرس کے دوران دنیا بھر میں میڈیکل کے شعبے سے وابستہ ڈاکٹرز اور پیرامیڈیکل اسٹاف نے جہاں دن رات اپنے پیاروں اور فیملی سے دور رہ کر وباء سے متاثر ہونے والے مریضوں کی دیکھ بھال کی اور دنیا سے پذیرائی حاصل کی وہیں دنیا کے کونے کونے سے ان مشکل حالات میں کئی ڈاکٹرز کی مریضوں کو تفریح فراہم کرنے کی بے شمار ویڈیوز بھی سوشل میڈیا پر زیر بحث رہیں۔

بھارت کی ریاست آسام میں میڈیکل کالج کے ایک ڈاکٹر کی کورونا وائرس وارڈ میں حفاظتی لباس پہنے ہوئے ڈانس کرنے کی ویڈیو سوشل میڈیا بالخصوص ٹوئٹر پر وائرل ہو رہی ہے جسے نہ صرف سوشل میڈیا صارفین بلکہ کئی مشہور بولی وڈ اداکاروں کی جانب سے بھی خوب پذایرئی ملی۔’دھک دھک کرنے لگا۔

گرل بولی وڈ اداکارہ مادھوری ڈکشٹ نے بھی ڈاکٹر کے ڈانس کی ویڈیو شیئر کرتے ہوئے ٹویٹ میں لکھا کہ ’زبردست ڈانس کیا گیا ہے اور سب سے بڑھ کر ویڈیو دیکھ کر مثبت رہنے کا حوصلہ بھی ملتا ہے۔نہ صرف مادھوری بلکہ بولی وڈ ڈانس ماسٹر ریتک روشن نے بھی ڈاکٹر کے ڈانس کی ویڈیو دیکھتے ہوئے اپنی ٹویٹ میں لکھا کہ ’میں ڈاکٹر اروپ سے ڈانس سیکھنا چاہتا ہوں اور ان کے ساتھ انہی جیسا ڈانس کرنا چاہتا ہوں۔ جس کے لیے مجھے جلد ہی آسام جانا پڑے گا۔‘

سوشل میڈیا صارفین نے اس ویڈیو کو انجوائے کرنے کے ساتھ اس پر دلچسپ تبصرے بھی کیے۔ ٹوئٹر ہینڈل دا آرئن نے لکھا کہ ’ہسپتال تو ایسی جگہ ہے جو ڈپریشن اور خوف کا احساس دلاتی ہے۔ تو یہ ڈاکٹرز کو کورونا سے پہلے ہسپتالوں میں ڈانس کرنے کا خیال کیوں نہیں آیا۔‘اس ویڈیو میں ڈانس کرنے والے ڈاکٹر ریتک روشن کی فلم ’وار‘ کے مشہور گانے ’گنگھرو ٹوٹ گئے‘ پر ناچ رہے ہیں۔

دل لگی سے مزید