آپ آف لائن ہیں
اتوار13؍ ربیع الثانی1442ھ 29؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت چیئرمین سی پیک اتھارٹی، ممبران کو استثنیٰ دینے جارہی ہے، رضا ربانی


پاکستان پیپلز پارٹی (پی پی پی) کے سینیٹر رضا ربانی نے کہا ہے کہ حکومت چیئرمین سی پیک اتھارٹی اور ممبران کو استثنیٰ دینے جارہی ہے۔

سینیٹ میں اظہارِ خیال کرتے ہوئے سابق چیئرمین سینیٹ کا کہنا تھا کہ پاک چین اقتصادی راہدرای (سی پیک) آرڈیننس جون میں متروک ہوچکا، بغیر کسی قانون کے اتھارٹی کام کر رہی ہے۔

انھوں نے مزید کہا کہ اب حکومت نیا بل لائی ہے، چیئرمین اتھارٹی اور ممبران کو استثنیٰ دینے جا رہے ہیں، کیا یہ این آر او دینے کی کوشش ہے۔

اس موقع پر وفاقی وزیر اطلاعات شبلی فراز کا کہنا تھا کہ سی پیک کے منصوبے چل رہے ہیں۔

انھوں نے یہ بھی کہا کہ سی پیک کے بڑے دشمن ہیں، ہمیں ان کے ہاتھوں میں نہیں کھیلنا چاہیے۔

قومی خبریں سے مزید