آپ آف لائن ہیں
بدھ9؍ربیع الثانی 1442ھ25؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کرکٹ کے بعد پاکستان انٹرنیشنل ہاکی ایونٹ کی میزبانی کیلئے تیار

انٹرنیشل کرکٹ کی بحالی کے بعد اب پاکستان ہاکی فیڈریشن بھی ملک میں انٹرنیشنل ہاکی ایونٹ کی میزبانی کرنے کے لیے تیار ہے۔

اس ضمن میں پاکستان ہاکی فیڈریشن نے ایف آئی ایچ اور ایشین ہاکی فیڈریشن کو پاکستان آنے کی دعوت دی ہے۔

صدر پی ایچ ایف خالد سجاد کھوکھر نے کراچی سے جاری کردہ اپنے بیان میں کہا کہ ہاکی کے دونوں بڑے ادارے سیکیورٹی وفد بھیج کر حالات کا جائزہ لیں۔

خالد سجاد کھوکھر نے کہا کہ مستقبل میں ہاکی ایونٹس کی میزبانی پاکستان ہاکی فیڈریشن کو دی جائے۔ اُنہوں نےکہا کہ پاکستان کھیلوں کے لیے ایک محفوظ ملک بن چکا ہے۔

اُن کا مزید کہنا تھا کہ ایشائی ٹیموں کو پاکستان آنےکی دعوت دیتے ہیں۔

واضح رہے کہ اس سے قبل خالد سجاد کھوکھر نے اپنے ایک بیان میں کہا تھا کہ اولمپیئن سمیع اللّٰہ کے لیے فیڈریشن کے دروازے کھلے ہیں۔

اُن کا کہنا تھا کہ تمام اولمپیئنز کو ساتھ لے کر چلنا چاہتے ہیں، بہاولپور میں سمیع اللّٰہ سے ملاقات خوشگوار رہی، سمیع اللّٰہ نے ہمارے خلاف نہیں ہمیشہ ہاکی کی بہتری پر بات کی۔

کھیلوں کی خبریں سے مزید