آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گلشن معمار: مزاحمت پر دکاندار زخمی، اہل محلہ کے تشدد سے ایک ڈاکو ہلاک

کراچی کے ضلع ملیر کے علاقے گلشن معمار میں ڈکیتی کے دوران مزاحمت پر فائرنگ کرکے فرار ہونے والے 2 ملزمان کو اہل محلہ نے پکڑ لیا۔ عوامی تشدد سے ایک ملزم ہلاک ہوگیا جبکہ دوسرے کو پولیس نے زخمی حالت میں گرفتار کرلیا۔

ایس ایس پی ملیر عرفان بہادر کے مطابق سپرہائی وے پر گلشن معمار تھانے کی حدود جنجال گوٹھ میں ایک دکان پر دو ملزمان نے ڈکیتی کی، مزاحمت کرنے پر ملزمان نے فائرنگ کردی جس سے دکاندار زخمی ہوا۔

ملزمان فرار ہوئے تو اہل محلہ نے تعاقب کرکے دونوں ملزمان کو پکڑ لیا اس دوران شہریوں نے ایک ملزم کو ہلاک کردیا۔

عرفان بہادر کے مطابق اطلاع ملتے ہی پولیس بھی موقع پر پہنچ گئی اور مقابلے کے بعد ایک ملزم کو زخمی حالت میں پکڑ لیا۔

پولیس کے مطابق ہلاک اور زخمی ملزم کی فوری طور پر شناخت نہیں ہوسکی۔

زخمی ہونے والے دکاندار کو عباسی شہید اسپتال منتقل کر دیا گیا ہے۔ پولیس واقعے کی مزید تحقیقات کر رہی ہے۔

قومی خبریں سے مزید