نیب سے منظور وسان کے خلاف تحقیقاتی رپورٹ طلب

12 نومبر ، 2020

سندھ ہائی کورٹ نے قومی احتساب بیورو (نیب) سے پاکستان پیپلز پارٹی (پی پی پی) کے رہنما منظور وسان کے خلاف آمدن سے زائد اثاثوں سے متعلق تحقیقاتی رپورٹ طلب کر لی۔

نیب کی جانب سے عدالتِ عالیہ کو بتایا گیا کہ رہنما پیپلز پارٹی منظور وسان کے خلاف آمدن سے زائد اثاثوں سے متعلق نیب انکوائری مکمل ہو گئی ہے۔

نیب سکھر کے پراسیکیوٹر نے عدالت میں بیان دیتے ہوئے بتایا کہ انکوائری مکمل کر کے معاملہ ہیڈ کوارٹر ارسال کر دیا ہے، ہیڈ کوارٹر کے لگائے گئے کچھ اعتراضات بھی دور کر دیئے گئے ہیں۔

عدالتِ عالیہ نے پی پی پی رہنما منظور وسان کی عبوری ضمانت میں 22 دسمبر تک توسیع کر تے ہوئے نیب سے تحقیقاتی رپورٹ طلب کر لی۔

یہ بھی پڑھیے

نیب کے مطابق سندھ ہائی کورٹ نے منظور وسان کے بینک اکاؤنٹس، منقولہ اور غیر منقولہ جائیداد کی تفصیلات حاصل کی ہیں۔

تازہ ترین