آپ آف لائن ہیں
جمعہ16؍ذی الحج 1441ھ7؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہائیکورٹ نے نیب سے منظور وسان کیخلاف انکوئری رپورٹ طلب

سندھ ہائیکورٹ نے نیب حکام سے منظور وسان کے خلاف جاری آمدن سے زائد اثاثے بنانے سے متعلق انکوئری میں ابتک ہونے والی تحقیقاتی رپورٹ طلب کرتے ہوئے سماعت 3 ستمبر تک ملتوی کردی۔

پی پی رہنما منظور وسان کے خلاف آمدن سے زائد اثاثے بنانے متعلق انکوئری میں درخواست ضمانت پر سندھ ہائیکورٹ میں سماعت ہوئی۔

دوران سماعت نیب پراسیکوٹر نے عدالت کو بتایا کے منظور وسان کے خلاف انکوائری مکمل کرلی ہے، انکوائری مکمل ہونے کی تفصیلات ہیڈ کوارٹر ارسال کردی ہیں۔

نیب پراسیکوٹر نے بتایا کہ منظور وسان کے بینک اکاوئنٹس، منقولہ اور غیر منقولہ جائیداد کی تفصیلات حاصل کر لی ہیں، جس پر عدالت نے ریمارکس دیئے کہ کیا انکوائری کو انوسٹی گیشن میں تبدیل کیا جائے گا ؟

عدالتی استفسار پر نیب پراسیکوٹر نے کہا کے انکوائری کو انوسٹی گیشن میں تبدیل کرنا ہے یا نہیں،چیئرمین نیب ہی فیصلہ کریں گے جواب آنے تک سماعت ملتوی کردی جائے۔

عدالت نے نیب حکام سے منظور وسان کے خلاف ابتک ہونے والی تحقیقاتی رپورٹ بھی طلب کرتے ہوئے سماعت 3 ستمبر تک ملتوی کردی اور منظور وسان کی ضمانت میں بھی آئندہ سماعت تک توسیع کر دی۔

قومی خبریں سے مزید