سلمان خان، جوہی چاولہ سے شادی کرنا چاہتے تھے

بالی ووڈ کو کئی سپر ہٹ فلمیں دینے والی خوبصورت اداکارہ جوہی چاولہ آج اپنی 53 ویں سالگرہ منارہی ہیں، اس موقع پر اداکارہ سے متعلق کئی نئے انکشافات سامنے آئے ہیں، جنہیں سن کر اُن کے مداح حیران رہ جائیں گے۔

بھارتی میڈیا رپورٹس کے مطابق جوہی چاولہ کی سالگرہ کے موقع پر بالی ووڈ کے دبنگ اداکار سلمان خان نےپہلی مرتبہ انکشاف کیا ہےکہ وہ اپنی جوانی کے دور میں اداکارہ جوہی چاولہ کو بےحد پسند کرتے تھے اور اُن سے شادی کرنا چاہتے تھے لیکن جوہی کے والد نے انکار کردیا۔

یہاں سلمان خان اور جوہی چاولہ کے مداحوں کو یہ سن کر ضرور دھچکا لگا ہوگا کیونکہ اس سے قبل انہوں نے کبھی ایسی کوئی بات نہیں سنی، ہاں یہ ضرور سنا ہوگا کہ سلمان خان اور ایشوریہ ایک زمانے میں ایک دوسرے کو بے حد پسند کرتے تھے۔

جوہی چاولہ فلم دیکھنے کراچی پہنچ گئیں

بالی ووڈ کی معروف اداکارہ جوہی چاولہ پاکستانی...

صرف یہی نہیں بلکہ سلمان خان نے اپنے ایک پرانے انٹرویو میں یہ بھی انکشاف کیا ہے کہ وہ جوہی چاولہ کو اس حد تک پسند کرتے تھے کہ ایک دن خود ہی اُن کے گھر چلے گئے اور اداکارہ کے والد سے اُن کا ہاتھ بھی مانگ لیا تھا۔

لیکن جوہی چاولہ کے والد نے رشتے سے انکار کردیا، میزبان نے سلمان خان سے انکار کی وجہ پوچھی تو انہوں نے کہا کہ شاید میں اُن کے معیار پر پورا نہیں اُترتا تھا۔

میڈیا رپورٹس کے مطابق اداکارہ جوہی چاولہ نے اپنے کیرئیر کے عروج پر خاموشی سے جے مہتا نامی شخص سے شادی کرلی تھی، اُن کی خفیہ شادی کے بارے میں صرف چند لوگ ہی جانتے تھے۔

کرشمہ کپور کا کرئیر میری وجہ سے بنا، جوہی چاولہ

بھارتی اداکارہ جوہی چاولہ کا کہنا ہے کہ اداکارہ کرشمہ کپور کا بالی ووڈ میں کرئیر اُن کی وجہ سے بنا ہے۔

اس حوالے سے ایک سوال کا جواب دیتے ہوئے اداکارہ نے کہا کہ اُنہیں خوف تھا کہ کہیں شادی کے بعد اُن کا کیرئیر ختم نہ ہوجائے اس لیے انہوں نے سب سے یہ بات چھپائی تھی۔

اداکارہ جوہی چاولہ اپنے شوہر جے مہتا کے ساتھ ایک خوشگوار زندگی گزار رہی ہیں، اداکارہ کے دو بچے ہیں، ایک بیٹا ارجن اور ایک بیٹی جھانوی ہے۔

سماجی رابطے کی ویب سائٹ ٹوئٹر پر جوہی چاولہ نے اپنی سالگرہ سے ایک دن قبل مداحوں کے لیےایک پیغام جاری کیا ہے، جس میں انہوں نے اُن سے گزارش کی ہے کہ کل میری سالگرہ کے دن مجھے پھول نہ بھجیں بلکہ اُس کی جگہ ایک پودا لگا دیں۔

جوہی چاولہ نے مزید لکھا کہ آپ میری محبت میں جو پھول بھجتے ہیں وہ تین دن میں مرجھا جاتے ہیں لیکن اگر آپ ایک پودا لگائیں گے تو وہ ساری زندگی آپ کے اور میرے بچوں کو فائدہ پہنچائیں گے۔