آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مزار قائد بے حرمتی کیس: وفاقی حکومت کا پولیس چالان پر تحفظات کا اظہار


پاکستان مسلم لیگ ن کی نائب صدر مریم نواز اور ان کے شوہر کیپٹن ریٹائرڈ صفدر اعوان کے خلاف مزار قائد پر نعرے بازی اور بے حرمتی کے کیس میں پولیس کی جانب سے جمع کرائے گئے چالان پر وفاقی حکومت نے تحفظات کا اظہار کردیا۔

وفاقی حکومت نے پولیس چالان کے خلاف جوڈیشل مجسٹریٹ شرقی کی عدالت میں درخواست دائر کردی۔

درخواست میں کہا گیا ہے کہ مزار قائد کی بے حرمتی پر پوری قوم افسردہ ہے، کال ڈیٹا ریکارڈ کی بنیاد پر مدعی کی مزار قائد موجودگی سے انکار مناسب نہیں۔ عدالت شواہد کا باریک بینی سے جائزہ لے کر میرٹ پر فیصلہ کرے۔


قائد اعظم مینجمنٹ بورڈ نے بھی عدالت میں مزار کی بے حرمتی سے متعلق درخواست دائر کردی۔

عدالت نے درخواست قابل سماعت ہونے سے متعلق دلائل طلب کرلیے، مقدمہ بی کلاس کرنے کی پولیس رپورٹ پر مدعی مقدمہ کو نوٹس جاری کردیا گیا۔

قومی خبریں سے مزید