آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسلم لیگ ن کے سابق ایم پی اے احسن رضا خان گرفتار

چونیاں سے مسلم لیگ نون کے سابق ایم پی اے احسن رضا خان گرفتار کر لیا گیا ہے۔

اینٹی کرپشن پنجاب کے مطابق سابق ایم پی اے احسن رضا خان 2 مختلف مقدمات میں مطلوب تھے۔

ترجمان محکمہ اینٹی کرپشن پنجاب کے مطابق ملزم کو جیو فینسنگ کر کے رشکئی انٹرچینج مردان سے گرفتار کیا گیا۔

ترجمان کا کہنا ہے کہ ملزم احسن رضا خان اینٹی کرپشن ٹیم کو دیکھ کرگاڑی چھوڑ کرفرار ہو رہے تھے۔

احسن رضا خان پر چونیاں میں غیر قانونی کمرشل مارکیٹ اور ہاؤسنگ سوسائٹی بنانے کا الزام ہے۔

ترجمان محکمہ اینٹی کرپشن کا کہنا ہے کہ ملزم نے گورنمنٹ اسپتال کنگن پور کی ایک ایکڑ زمین پر2  دکانیں تعمیر کی تھیں۔

قومی خبریں سے مزید