آپ آف لائن ہیں
پیر14؍ ربیع الثانی1442ھ 30؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعظم نے اُن تاجروں سے خطاب کیا جن کا وہ معاشی قتل کرچکے، ن لیگ

اپوزیشن کی سب سے بڑی جماعت مسلم لیگ (ن) کی ترجمان مریم اورنگزیب نے کہا ہے کہ وزیراعظم عمران خان نے آج اُن تاجروں سے خطاب کیا جن کا وہ معاشی قتل کرچکے ہیں۔

وزیراعظم عمران خان کے فیصل آباد میں تاجروں سے خطاب پر ردعمل دیتے ہوئے مریم اورنگزیب نے کہا کہ لوگوں کو زبردستی سرکاری تقریب میں لایا جاسکتا ہے لیکن نعروں سے معاشی ترقی نہیں کی جاسکتی۔

انہوں نے کہا کہ نواز شریف کی قیادت میں ملکی معیشت خطے کے دیگر ممالک سے آگے جارہی تھی، پھر آل کی کرپشن، نالائقی اور نااہلی کے سیاہ بادل چھاگئے تھے۔


ن لیگی ترجمان نے مزید کہا کہ عمران خان کے دور میں تاریخی مہنگائی، قرض اور ان کی جھوٹی سیاست سیاہ تاریخ کا حصہ بن چکی ہے۔

ان کا کہنا تھا کہ پاکستان اور فیصل آباد کے تاجر سب جانتے ہیں کہ آپ کے اعلان 1 کروڑ نوکریاں اور 50 لاکھ گھر دینے والے ہوتے ہیں۔

مریم اورنگزیب نے یہ بھی کہا کہ تاجر جانتے ہیں آپ کے اعلان انڈے، کٹوں، بھینسوں اور مرغیوں سے معیشت ٹھیک کرنے والے ہیں۔

انہوں نے یہ بھی کہا کہ عمران صاحب آپ کی نالائقی، نااہلی اور چوری نے پاکستان کو افریقا بنادیا ہے۔

قومی خبریں سے مزید