• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سعودی عرب: خواتین کے پہلے فٹبال ٹورنامنٹ کا باقاعدہ آغاز

تازہ ترین
کھیلوں کی خبریں
18 نومبر ، 2020


سعودی عرب میں خواتین کے پہلے فٹبال ٹورنامنٹ کا باقاعدہ آغاز ہوگیا ہے، ٹورنامنٹ سعودی لیگ کے تحت کام کرنے والے شعبہ خواتین کی نگرانی میں منعقد ہو رہا ہے۔

کورونا وائرس کے باعث کھیلوں کی پریکٹس معطل رہنے کے بعد خواتین فٹبال ٹورنامنٹ میں 24 ٹیموں کے تقریباً 600 کھلاڑی شامل ہیں، ٹورنامنٹ کی فاتح ٹیم کو پانچ لاکھ ریال انعام دیا جائے گا۔

شعلۃ الشرقیہ فٹبال ٹیم کی کوچ مرام البتیری نے کہا ہے کہ ہماری ٹیم ٹورنامنٹ کے لیے گزشتہ چھ ہفتوں سے تیاری کر رہی ہے، اس سے پہلے بھی کھلاڑی پریکٹس کررہی تھیں مگر کورونا وائرس کے باعث اس میں رکاوٹ آگئی۔

یہ بھی پڑھیے


خواتین کے فٹبال ٹورنامنٹ میں کھلاڑیوں سمیت پورا عملہ خواتین پر ہی مشتمل ہوگا، چوبیس ٹیموں کو تین گروپ میں تقسیم کیا گیا ہے، دمام، ریاض اور جدہ گروپ میں شامل ہیں۔

ہر گروپ کی ٹیموں کا پہلے آپس میں مقابلہ ہوگا، بعد ازاں فائنل جیتنے والی ٹیموں کا مقابلہ ہوگا۔

تازہ ترین