آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آرمی چیف سے امریکی ناظم الامور کی ملاقات، افغان امن عمل سمیت مختلف امور پر تبادلہ خیال


آرمی چیف جنرل قمر جاوید باجوہ سے پاکستان میں امریکی ناظم الامور نے ملاقات کی، جس میں افغان امن عمل سمیت مختلف امور پر تبادلہ خیال کیا گیا۔ 

پاک فوج کے شعبہ تعلقات عامہ آئی ایس پی آر کے مطابق امریکی ناظم الامور اینجلا ایگلر نے جی ایچ کیو میں آرمی چیف جنرل قمر جاوید باجوہ سے ملاقات کی۔ 

آئی ایس پی آر کے مطابق اس ملاقات میں باہمی دلچسپی کے امور اور علاقے کی سیکیورٹی صورتحال پر تبادلہ خیال کیا۔ جبکہ افغان امن عمل پر بھی بات چیت کی گئی۔

اس موقع پر اسلام آباد میں امریکی ناظم الامور اینجلا ایگلر کا کہنا تھا کہ خطے میں کشیدگی کم کرنے اور افغان امن عمل میں پاکستان کا کردار قابلِ تحسین ہے۔

آئی ایس پی آر کے مطابق امریکی ناظم الامور نے افغان امن عمل میں تعاون جاری رکھنے کی یقین دہانی کروائی۔

قومی خبریں سے مزید