عمرانی حکومت PDM کے جلسے سےگھبرا گئی، اختیار ولی

مسلم لیگ نون خیبر پختون خوا کے ترجمان اختیار ولی کا پشاور میں ہونے والے پی ڈی ایم کے جلسے سے متعلق کہنا ہے کہ عمرانی حکومت پی ڈی ایم کے جلسے سے ’گھبرا‘ گئی ہے۔

اختیار ولی نے اپنے بیان میں حکومت پر تنقید کرتے ہوئے کہا ہے کہ جلسہ گاہ کی طرف جانے والے راستوں میں رکاوٹیں ڈالنا اوچھے ہتھکنڈے ہیں۔

ترجمان مسلم لیگ نون خیبر پختون خوا نے کہا کہ آج خیبر پختون خوا میں حکومت کے خلاف کامیاب ریفرنڈم ہوگا۔

تصادم کا ماحول پیدا کیا جا رہا ہے، ثمر ہارون بلور

عوامی نیشنل پارٹی (اے این پی) خیبر پختون خوا کی سیکریٹری اطلاعات ثمر ہارون بلور کا کہنا ہے کہ تصادم کا ماحول پیدا کیا جا رہا ہے، حکمران ہوش کے ناخن لیں۔

اختیار ولی نے مزید کہا ہے کہ حکومت انتشار پھیلانے سے باز رہے ورنہ ذمے داری حکمرانوں پر ہی ہوگی۔

ان کا یہ بھی کہنا ہے کہ خیبر پختون خوا سے شروع ہونے والا تبدیلی کا ’نامراد‘ سفر آج یہیں پر دفن ہوگا۔