آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

رونالڈو کا میراڈونا کو زبردست خراجِ تحسین

دورِ حاضر کے نامور پرتگالی فٹبالر کرسٹیانو رونالڈو نے آنجہانی ڈیاگو میراڈونا کو زبردست خراجِ تحسین پیش کیا ہے۔ 

واضح رہے کہ ارجنٹائن سے تعلق رکھنے والے عالمی شہرت یافتہ فٹبالر ڈیاگو میراڈونا حرکت قلب بند ہونے سے 60 برس کی عمر میں انتقال کرگئے۔

اسٹار فٹبالر نے گزشتہ صدی کے عظیم فٹبالر ڈیاگو میراڈونا کو زبردست انداز میں خراجِ تحسین پیش کیا ہے۔ 

کرسٹیانو رونالڈو نے سماجی رابطے کی ویب سائٹ پر اپنے پیغام میں لکھا کہ آج میں اپنے ایک دوست کو الوداع کہتا ہوں اور دنیا ایک تادوام ذہین کو الوداع کہتی ہے۔ 

انھوں نے لکھا کہ میراڈونا بہترین فٹبالرز میں سے ایک تھے، وہ اس کھیل کے ایک بے مثال جادوگر تھے۔ 

رونالڈو نے لکھا کہ میراڈونا ہم سب کو بہت جلد چھوڑ گئے لیکن وہ ہم میں اپنی عظمت بھی چھوڑ گئے ہیں جبکہ ان کے جانے سے پیدا ہونے والا خلا کوئی پُر نہیں کر پائے گا۔

پرتگالی سپر اسٹار نے اپنے اس فیوریٹ سپر اسٹار کے لیے کہا کہ آپ کبھی بھلائے نہیں جائیں گے۔

واضح رہے کہ ڈیاگو میراڈونا کو کچھ عرصہ قبل دماغ کی سرجری کے لیے اسپتال میں داخل کروایا گیا تھا۔

کامیاب سرجری کے باعث میراڈونا کو دو ہفتے قبل اسپتال سے ڈسچارج کیا گیا۔

بعد ازاں انھیں ری ہیبلیٹیشن سینٹر منتقبل کیا گیا جس کا مقصد نشے سے چھٹکارا دلوانے کے لیے ان کا علاج کرنا تھا۔

کھیلوں کی خبریں سے مزید