• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میراڈونا کی تدفین آج ہی کیے جانے کا امکان

تازہ ترین
کھیلوں کی خبریں
26 نومبر ، 2020
جنگ نیوز

اسٹار فٹبالر ڈیاگو میراڈونا کی تدفین مقامی وقت کے مطابق آج شام کیے جانے کا امکان ہے، انھیں اسی قبرستان میں دفن کیا جائے گا جہاں ان کے والدین مدفون ہیں۔

خبر رساں ایجنسی کے مطابق میراڈونا کی فیملی ان کی جلد تدفین چاہتی ہے۔

لیجنڈ فٹبالر میراڈونا کی لاش کے پوسٹ مارٹم کا اعلان

ڈیاگو میراڈونا کو کچھ عرصہ قبل دماغ کی سرجری کے لیے اسپتال میں داخل کروایا گیا تھا

اسٹار فٹبالر میراڈونا کی تدفین ارجنٹائن کے بیونس آئرس کے نواحی علاقے میں بیلا وسٹا قبرستان میں کی جائے گی۔ میراڈونا کے والدین بھی اسی قبرستان میں مدفون ہیں۔

قبرستان ذرائع نے میراڈونا کی آج شام تدفین کی تیاریوں کی تصدیق کی ہے تاہم ذرائع کا کہنا ہے کہ تدفین میں جمعے کی صبح تک تاخیر ہو سکتی ہے۔

لیونل میسی کا میراڈونا کو خراج تحسین

معروف ارجنٹائنی فٹبالر لیونل میسی نے اپنے ہم وطن عالمی شہرت یافتہ لیجنڈری فٹبالر ڈیاگو میراڈونا کی موت پر دکھ کا اظہار کرتے ہوئے لکھا کہ ڈیاگو ہماری یادوں میں ہمیشہ رہےگا۔

واضح رہے کہ گزشتہ روز ارجنٹائن سے تعلق رکھنے والے عالمی شہرت یافتہ لیجنڈری فٹبالر ڈیاگو میراڈونا 60 برس کی عمر میں انتقال کر گئے تھے۔

ارجنٹائن میڈیا کی رپورٹس کے مطابق ڈیاگو میراڈونا کا انتقال حرکتِ قلب بند ہوجانے کے سبب ہوا جبکہ وہ اس دوران بیونس آئرس میں اپنے گھر میں ہی موجود تھے۔

تازہ ترین