ریکھا اور کپل شرما کی دلچسپ گفتگو وائرل

ممبئی (مانیٹرنگ ڈیسک)بولی وڈ کے مقبول ترین کامیڈی شو ’دی کپل شرما‘ میں مایہ ناز اداکارہ ریکھا نے شو کے میزبان سے دلچسپ گفتگو کی جو سوشل میڈیا پر وائرل ہورہی ہے۔بھارتی کامیڈین کپل شرما نے اپنے انسٹا اکاؤنٹ پر ایک وڈیو شیئر کرائی جس میں مایہ ناز و خوبصورت اداکارہ ریکھا موجود ہیں اور وہ ان سے اپنے مزاحیہ انداز میں دلچسپ گفتگو کررہے ہیں۔گفتگو کے دوران ریکھا نے کپل سے کہا کہ انہیں اڑتے اڑتے خبر آئی ہے کہ کپل نے ان کی کوئی بھی فلم نہیں دیکھی ہے اور اس حساب سے یہ دنیا کے پہلے شخص ہیں جنہوں نے ان کی کوئی فلم نہیں دیکھی۔جس پرشوکے میزبان مزاحیہ اندازمیں ہنستے ہوئے کہتے ہیں کہ ایسا نہیں ہے، آپ کویہ جس نے بھی کہا بالکل غلط کہا، میں نے آپ کی بہت سی فلمیں دیکھی ہیں اورتب دیکھی ہیں جب 100 روپے میں 4 فلمیں ملتی تھیں۔