آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سرفراز، عباس، نسیم، روحیل، عابد علی، دانش کے ٹیسٹ مثبت، ذرائع

کراچی(عبدالماجدبھٹی/ اسٹاف رپورٹر) ذمے دار ذرائع کا کہنا ہے کہ جن کھلاڑیوں کے ٹیسٹ مثبت آئے ہیں ان میں ایک سابق کپتان سرفراز احمد اور دو ٹیسٹ ٹیم کے ریگولر فاسٹ بولر محمد عباس اور نسیم شاہ شامل ہیں۔ 

جبکہ پاکستان شاہینز کے کپتان روحیل نذیر، دانش عزیز اورعابد علی شامل ہیں۔

 دو کھلاڑی ایسے ہیں جن کا پہلے بھی کورونا وائرس ٹیسٹ مثبت آچکا ہے دونوں وائرس کی ہسٹری رکھتے ہیں۔6 اراکین کی قرنطینہ میں کم از کم 4 بار کووڈ 19 ٹیسٹنگ ہو گی۔ 

نیوزی لینڈ کرکٹ کے مطابق پاکستان اسکواڈ کے کچھ اراکین نے آئسولیشن کے پہلے روز ایس او پیز کی خلاف ورزی بھی کی ہے۔ 

حدردجہ مصدقہ ذرائع کا کہنا ہے کہ پاکستانی کرکٹرز کی جانب سے کوویڈ پروٹوکول کی خلاف ورزی کے دو واقعات نیوزی لینڈ پہنچنے کے پہلے بارہ گھنٹے کے دوران ہی سامنے آ گئے تھے۔ 

پاکستانی کھلاڑیوں نے اس وقت پروٹوکول کی خلاف ورزی کی جب انھیں ہوٹل میں کھانا پیش کیا گیا اور کھانے کی ٹرے کمرے کے باہر رکھ دی گئی ، ٹرے وصول کرتے وقت کئی کھلاڑیوں نے ماسک نہیں پہن رکھے تھے۔ 

دوسرے واقعے کے مطابق کیمروں نے کچھ کھلاڑیوں کو ہوٹل میں اپنے کمروں کے دروازے کھول کر ایک دوسرے سے گفتگو کرتے ریکارڈ کرلیا۔ 

اسی طرح کھلاڑی مسلسل کمروں کے باہر کوریڈور میں ملتے رہے نہ ماسک استعمال کررہے تھے اور نہ سماجی فاصلوں کو اہمیت دی جارہی تھی۔

اسپورٹس سے مزید