آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا کے باعث جرمنی اور جنوبی کوریا میں مشکل صورتحال

موسم بہار میں کورونا وائرس کی وبا پر بہترانداز میں قابو پانے والے ملکوں جرمنی اور جنوبی کوریا میں مشکل صورتحال پیدا ہوگئی ہے۔

جنوبی کوریا میں مسلسل دوسرے روز 500 سے زائد نئے کیس رپورٹ ہوئے، مختلف اسپتالوں میں مریضوں کیلئے بستر کم پڑ گئے۔

دوسری جانب جرمنی میں 22 ہزار سے زائد نئے کیسز کے بعد مجموعی تعداد 10لاکھ سے تجاوز کرگئی ہے اور ملک بھر میں پابندیاں مارچ تک جاری رہنے کا امکان ہے۔

یونان میں لاک ڈاؤن میں7 دسمبر تک توسیع کردی گئی تاہم برطانیہ اور فرانس نے پابندیوں میں نرمی کاعندیہ دیا ہے۔

ادھر روس میں گھر پر رہنے کی ہدایت پر عمل درآمد جاری ہے۔

امریکا میں تھینکس گیونگ ڈے کے تہوار پر نیویارک میں سالانہ پریڈ کا محدود پیمانے پر انعقاد کیا گیا اور شہریوں نے شرکت کی بجائے ٹی وی پر پریڈ دیکھی ہے، جبکہ جاپان میں نئے سال کا ایونٹ منسوخ کردیا گیا۔

بین الاقوامی خبریں سے مزید