کراچی کے علاقے اورنگی ٹاؤن میں دہشت گردوں کی فائرنگ سے شہید ہونے والے 7پولیس اہلکاروں میں سے 3کا تعلق گھوٹکی سے ہے۔
پولیس کے مطابق پولیس اہل کار دائم چاچڑ کا تعلق عادل پور سے ،غلام رسول کا تعلق گاؤں اللہ یار چاچڑ سے جبکہ وزیر چاچڑ کا تعلق خان پور مہر سے ہے۔
ذرائع سے یہ بھی پتہ چلا ہے کہ نشانہ بننے والی پولیس موبائل پر کیمرہ بھی نصب تھا ،پولیس ذرائع کے مطابق پولیس موبائل پر لگا کیمرہ ناکارہ تھا،اور کیمرے کی ریکارڈنگ کا نظام بھی موبائل میں موجود نہیں تھا۔
اس حوالے سے سی ٹی ڈی کے انچارج راجہ عمرخطاب کا کہنا ہے کہ کیمرہ کیوں خراب تھا،اس بارے میں کچھ معلومنہیں ۔
ذرائع کے مطابق اورنگی ٹاؤن میں مختلف چھاپوں کے دوران 10سے 15مشتبہ افراد کو حراست میں لیا گیا ہے،جن سے پوچھ گچھ جاری ہے۔
فرمان الہی
نماز کے اوقات
