کراچی، سردی کا 10 سالہ ریکارڈ ٹوٹ گیا

ملک کے سب سے بڑے شہر کراچی میں نومبر کے مہینے میں سردی ہونے کا 10 سال کا ریکارڈ ٹوٹ گیا۔

محکمۂ موسمیات کے مطابق کراچی میں آج کم سے کم درجۂ حرارت 5 اعشاریہ 10 ڈگری ریکارڈ کیا گیا ہے جبکہ 2010ء میں کراچی میں درجۂ حرارت 12 ڈگری ریکارڈ ہوا تھا۔

کراچی میں آج رات سردی کی شدت بڑھنے کا امکان

کراچی کو سرد ہواؤں نے اپنی لپیٹ میں لے رکھا ہے، محکمۂ موسمیات کا کہنا ہے کہ شہر میں آج رات سردی کی شدت بڑھنے کا امکان ہے۔

محکمۂ موسمیات کا کہنا ہے کہ نومبر میں سب سے کم درجۂ حرارت 7 اعشاریہ 4 ڈگری درجہ حرارت 1986ء میں ریکارڈ ہوا تھا۔