• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلم لیگ (ن) ملتان کے عہدیداروں اور رہنمائوں کی حمزہ شہباز سے ملاقات

میرا شہر
ملتان
03 دسمبر ، 2020
ملتان (سٹاف رپورٹر) مسلم لیگ (ن) کے مرکزی رہنما و قائد حزب اختلاف حمزہ شہباز نے کہا ہے کہ (ن) لیگ ملک کی بڑی سیاسی جماعت ہے جس کو آمرانہ ہتھکنڈوں سے دبایا نہیں جاسکتا، ملتان کے کامیاب جلسہ نے ایوانوں میں بیٹھے وزراء کی بھی نیندیں اڑا کر رکھ دی ہیں، پارٹی کی مرکزی رہنما مریم نواز کے دلیرانہ خطاب سے آج پوری قوم جاگ اٹھی ہے، ان خیالات کا اظہار انہوں نے اپنی رہائش گاہ پر عیادت کے لئے آنے والے مسلم لیگ (ن) شعبہ خواتین کی سٹی صدر سلطانہ شاہین، جنرل سیکریٹری شاہین شفیق، سابق ایم پی اے شاہد محمود خان سے کی گئی ملاقات میں کیا جبکہ اس موقع پرپارٹی کے مرکزی رہنما احسن اقبال بھی موجود تھے، وفد نے بیگم شمیم اختر کی وفات پر اظہار تعزیت کیا، حمزہ شہباز نے مزید کہا کہ پی ڈی ایم کے قائدین، رہنماؤں و کارکنوں کے خلاف بے بنیاد مقدمات درج کئے جارہے ہیں، انہوں نے کہا کہ شعبہ خواتین نے پی ڈی ایم کے جلسہ میں بھرپور شرکت کی اور آئندہ بھی لاہور کے جلسہ میں ایک بڑا قافلہ لیکر جائیں گے۔
تازہ ترین