جھومتے ہوئے پھولوں جیسی

حسن جاوید

جھومتے ہوئے پھولوں جیسی

شوخ رنگ کے لباس پہنی ہوئی

باغوں میں تتلیوں کا تعاقب کرتی ہوئی

ایک دوسرے سے الجھتی ہوئی، گرتی ہوئی

پھر کپڑے جھاڑ کر اٹھتی ہوئی وہ بچیاں

قدرت کا ایک انمول تحفہ لگتی ہیں

پھر اچانک منظر بدل جاتا ہے

کوئ وحشی درندہ منہ پر ہاتھ رکھ کر

کسی ایک کو کسی کونے میں لے جاتا ہے

تھوڑی دیر میں سانسیں الجھ کر ٹوٹ جاتی ہیں

اور میں سوچتا ہوں قیامت کب آئے گی