لندن کی فضا سکھوں کے بھارت مخالف نعروں سے گونج اُٹھی

بھارتی حکومت کے متنازع زرعی قوانین کے خلاف لندن میں بھارتی ہائی کمیشن کے باہر ہزاروں سکھوں نے  احتجاج کیا، لندن کی فضا سکھوں کے بھارت مخالف نعروں سے گونج اُٹھی۔

بھارتی متنازع زرعی قوانین کے خلاف لندن میں 10 ہزار سے زائد سکھوں نے  بھارتی ہائی کمیشن کا محاصرہ کر لیا۔

مظاہرین کا کہنا تھا کہ مودی حکومت کسانوں کے معاشی قتل عام میں ملوث ہے۔

بھارت، کسانوں کا احتجاج مسلسل 11ویں روز بھی جاری

بھارتی حکومت اور کسانوں کے درمیان گزشتہ روز مذاکرات کا پانچویں دور بھی بے نتیجہ رہا جس کے نتیجے میں بھارت میں کسانوں کا احتجاج مسلسل گیارہویں روز بھی جاری ہے۔

 ہزاروں سکھوں کے احتجاج کے سبب وسطی لندن کا نظامِ زندگی متاثر ہوگیا۔

بھارت کے خلاف لندن کے علاوہ برطانیہ کے دیگر شہروں میں بھی مظاہروں کا اہتمام کیا گیا۔