کراچی میں پھر دھند کے ڈیرے

کراچی شہر کے مختلف علاقوں میں صبح سویرے دھند چھائی ہوئی ہے، محکمۂ موسمیات کا کہنا ہےکہ سورج نکلنے کے ساتھ ساتھ دھند میں کمی واقع ہو گی۔

کراچی میں صبح سویرے دھند کا راج

کراچی میں صبح سویرے دھند چھائی رہی، کراچی ایئرپورٹ کے رن وے کے قریب حدِ نگاہ 1 کلومیٹر رہی، آئندہ 24 گھنٹوں کے دوران شہر میں مطلع صاف، جبکہ صبح کے وقت کہر اور دھند چھائے رہنے کا امکان ہے۔

جن علاقوں میں دھند کا راج ہے ان میں آئی آئی چندریگر روڈ، شارع فیصل، یونیورسٹی روڈ، نیشنل ہائی وے، سپر ہائی وے، سرجانی ٹاؤن، نارتھ کراچی شامل ہیں۔

محکمہ ٔموسمیات کا کہنا ہے کہ شہر کا درجۂ حرارت 15 ڈگری سینٹی گریڈ ہے، اس وقت شہر میں سمندری ہوائیں معطل ہیں، جبکہ فضا میں نمی کا تناسب 82 فیصد ہے۔

ادھر ٹریفک پولیس کا کہنا ہے کہ شہرِ قائد میں آج چھانے والی دھند کے باعث کہیں پر بھی ٹریفک کی روانی متاثر نہیں ہوئی ہے۔