کراچی (اسٹاف رپورٹر)ایڈیشنل ڈسٹرکٹ اینڈ سیشن جج جنوبی کی عدالت میں ڈیفنس میں مبینہ پولیس مقابلے میں پانچ افراد کی ہلاکت کے کیس میں پولیس افسران و اہلکاروں کے خلاف مقدمے کے اندراج کی درخواست پر ایس ایچ او گزری نے جواب جمع کرانے کے لئے مہلت طلب کرلی ، عدالت نے سماعت 16 دسمبر تک ملتوی کردی۔ لیلیٰ پروین نامی خاتون نے اپنے ڈرائیور عباس کے قتل کیس میں پولیس افسران و اہلکاروں کے خلاف قتل اور دہشت گردی کا مقدمہ درج کرنے کی درخواست دائر کر رکھی ہے۔