13 دسمبر کا اثر نظر آنا شروع ہوگیا ہے، مریم اورنگزیب

ترجمان مسلم لیگ ن مریم اورنگزیب کا کہنا ہے کہ کل 13 دسمبر ہے جس کا اثر نظر آنا شروع ہوگیا ہے۔

پاکستان مسلم لیگ ن کی ترجمان مریم اورنگزیب نے اپنے ایک بیان میں کہا کہ وزیراعظم کے گھر سے پنجاب حکومت کی چیخوں تک 13 دسمبر کا اثر نظر آنے لگا۔

انہوں نے کہا کہ عمران خان کی اطلاع کے لیے عرض ہے کرسیاں لگنے لگی ہیں۔

13 دسمبر جلسے کا نہیں فیصلے کا دن ہے: مریم نواز

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز کہتی ہیں کہ 13 دسمبر جلسے کا نہیں فیصلے کا دن ہے۔

پی ڈی ایم کو جلسے کی اجازت نہ دینے کا فیصلہ کیا ہے، فردوس عاشق اعوان

وزیراعلیٰ پنجاب عثمان بزدار کی معاون خصوصی ڈاکٹرفردوس عاشق اعوان نے کہا ہے کہ پی ڈی ایم کو لاہور میں جلسے کی اجازت نہ دینے کا فیصلہ کیا ہے، یہ فیصلہ انٹیلی جنس رپورٹس اور این سی اوسی کی ہدایات کی روشنی میں کیا گیا ہے۔

مریم اورنگزیب نے کہا کہ عمران خان نےکہا تھا کہ کرسیاں لگانے پر منتظمین کے خلاف پرچہ کاٹیں گے لیکن انہوں نے تو ایف آئی آر ڈی جے بٹ اور بٹ کڑاہی والے کے خلاف کاٹ دی۔

اپنے بیان میں انہوں نے مزید کہا کہ کھانا کھایا مریم نواز نے اور بدہضمی پوری حکومت کو ہوگئی ہے، اُنہیں یہ تو معلوم ہوگیا کہ جلسہ تو نہیں رکنے والا ہے۔