فرمان الہی
نماز کے اوقات
گزشتہ ماہ رشتۂ ازدواج میں منسلک ہونے والی سابقہ بھارتی اداکارہ ثناء خان نے مفتی انس کو بہترین شوہر قرار دے دیا۔
ثناء خان نے اپنے شوہر مفتی انس کی سالگرہ کے موقع پر اپنی انسٹاگرام اسٹوری میں اُن کی ایک تصویر شیئر کی ہے جو مقبوضہ کشمیر میں لی گئی تھی جہاں یہ جوڑا آج کل اپنا ہنی مون منا رہے ہیں۔
سابقہ بھارتی اداکارہ نے انسٹاگرام اسٹوری میں تصویر شیئر کرتے ہوئے اپنے شوہر سے مخاطب ہوکر کہا کہ ’اللّہ تعالیٰ تمہیں ہمیشہ سلامت اور میرے ساتھ جنت تک رکھے، آمین۔‘
ثناء خان نے لکھا کہ ’آپ کو یومِ ولادت مبارک ہو۔‘
اُنہوں نے اپنے مفتی انس کو بہترین شوہر قرار دیتے ہوئے ہیش ٹیگ BestShohar بھی استعمال کیا۔
یاد رہے کہ بالی ووڈ کی سابقہ اداکارہ ثناء خان نے گزشتہ ماہ ہی بھارتی ریاست گجرات سے تعلق رکھنے والے مفتی انس نامی شخص سے شادی کی ہے۔
اس موقع پر ثناء خان نے انسٹاگرام پر اپنے شوہر مفتی انس کے ہمراہ شادی کی تصویر پوسٹ کرتے ہوئے کہا تھا کہ’ہم اللّٰہ تعالیٰ کی رضا کی خاطر ایک دوسرے سے محبت کرتے تھے اور اللّٰہ کی رضا کے لیے ہی ہم نے ایک دوسرے سے شادی کی ہے۔‘
بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے اپنی شادی سے قبل اسلام کی خاطر شوبز انڈسٹری چھوڑنے کا اعلان کرتے ہوئے کہا تھا کہ اب وہ اپنی زندگی انسانیت کی خدمت میں اور اللّٰہ تعالیٰ کے احکامات کے مطابق گُزاریں گی۔
ثناء خان نے ماڈلنگ، ڈانس اور اداکاری سے بالی ووڈ میں اپنے کیریئر کا آغاز کیا تھا، اُنہوں نے سال 2012ء کے بگ باس سیزن 6 میں بھی حصہ لیا تھا جہاں سے اُنہیں شہرت ملی تھی۔
ثناء خان کی مشہور بالی ووڈ فلموں میں جے ہو، وجہ تم ہو، ممبےٹو گوا، ہلّا بول اور ٹوائلٹ شامل ہیں۔
