اللّہ کی رضا کیلئے ہم نے شادی کی ہے: ثناء خان

گزشتہ ماہ اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناء خان نے اپنی شادی کی تصویر سوشل میڈیا پر شیئر کر دی ہے انہوں نے لکھا ہے کہ اللّہ کی رضا کے لیے ہم نے ایک دوسرے سے شادی کی ہے۔

بھارتی ریاست گجرات سے تعلق رکھنے والے مفتی انس نامی شخص سے شادی کرنے والی سابقہ بھارتی اداکارہ ثناء خان نے سوشل میڈیا سائٹ پر اپنی شادی کی تصویر شیئر کی ہے جس میں اُنہوں نے سُرخ رنگ کا عروسی لباس زیب تن کیا ہے جبکہ اُن کے شوہر سفید لباس میں ملبوس ہیں۔

ثناء خان نے انسٹاگرام پر اپنی شادی کی تصویر شیئر کرتے ہوئے کیپشن میں لکھا ہے کہ ’ہم اللّٰہ تعالیٰ کی رضا کی خاطر ایک دوسرے سے محبت کرتے تھے اور اللّہ کی رضا کے لیے ہی ہم نے ایک دوسرے سے شادی کی ہے۔‘

اسلام کی خاطر بالی ووڈ چھوڑنے والی ثناء خان نے شادی کرلی

گزشتہ ماہ اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناء خان رشتۂ ازدواج میں منسلک ہوگئیں۔

اُنہوں نے لکھا کہ ’میری دُعا ہے کہ اللّٰہ تعالیٰ ہمیں اس دنیا میں بھی متحد رکھے اور اگلے جہاں میں بھی ساتھ ہی رکھے۔‘

آخر میں اُنہوں نے قرآن پاک کی آیت کا ترجمہ بھی لکھا:

اور تُم اپنے رب کی کون کون سی نعمتوں کو جھٹلاؤ گے؟

یا د رہے کہ بالی ووڈ کی سابقہ اداکارہ ثناء خان نے گزشتہ روز ہی بھارتی ریاست گجرات سے تعلق رکھنے والے مفتی انس نامی شخص سے شادی کی ہے جس کی تصاویر اور ویڈیوز سوشل میڈیا پر وائرل ہو گئی ہیں۔

سابقہ اداکارہ ثناء خان نے اپنی زندگی کے سب سے بڑے موقع یعنی نکاح کے دن حجاب کے ساتھ سفید رنگ کا خوبصورت لباس زیب تن کیا جبکہ اُن کے شوہر مفتی انس بھی ٹوپی کے ساتھ سفید قیمص شلوار میں ملبوس تھے۔

بھارتی اداکارہ ثناء خان نے اسلام کی خاطر شوبز چھوڑ دیا

بگ باس سیزن 6 سے شہرت پانے والی بالی وڈ کی معروف اداکارہ ثناء خان نے اسلام کی خاطر شوبز انڈسٹری چھوڑنے کا اعلان کردیا ہے، اس موقع پر ثناء خان کا کہنا تھا کہ اب وہ اپنی زندگی انسانیت کی خدمت میں اور اللّہ تعالیٰ کے احکامات کے مطابق گُزاریں گی۔

واضح رہے کہ بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے گزشتہ ماہ اسلام کی خاطر شوبز انڈسٹری چھوڑنے کا اعلان کرتے ہوئے کہا تھا کہ اب وہ اپنی زندگی انسانیت کی خدمت میں اور اللّٰہ تعالیٰ کے احکامات کے مطابق گُزاریں گی۔

اسلام کی خاطر شوبز چھوڑنے والی بھارتی اداکارہ ثناء خان کی زندگی کیسے بدلی؟

گزشتہ دنوں اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناء خان نے اپنے سوشل میڈیا پیغام میں مداحوں کو بتا دیا کہ کس عمل نے اُن کی زندگی بدل دی۔

ثناء خان نے ماڈلنگ، ڈانس اور اداکاری سے بالی وڈ میں اپنے کیریئر کا آغاز کیا تھا، اُنہوں نے سال 2012ء کے بگ باس سیزن 6 میں بھی حصہ لیا تھا جہاں سے اُنہیں شہرت ملی تھی۔

ثناء خان زندگی کے کس مرحلے پر پہنچ گئی ہیں؟

گزشتہ ماہ اسلام کی خاطر بالی وڈ سے کنارہ کشی اختیار کرنے والی سابقہ بھارتی اداکارہ ثناء خان نے کہا ہے کہ اب اُن کا دل وہی چاہتا ہے جو اللّہ تعالیٰ چاہتا ہے۔

ثناء خان کی مشہور بالی وڈ فلموں میں جے ہو، وجہ تم ہو، ممبےٹو گوا، ہلّا بول اور ٹوائلٹ شامل ہیں۔