ایوانکا سیاست میں انٹری دینے کیلئے تیار

16 دسمبر ، 2020

کیا ایوانکا ٹرمپ آئندہ انتخابات لڑیں گی؟

امریکی صدر ڈونلڈ ٹرمپ کی بیٹی ایوانکا ٹرمپ جلد ہی عملی سیاست میں حصہ لیں گی۔

والد کی مشیر رہنے کے بعدایوانکا کے حوالے سے یہ خبریں گردش کررہی ہیں کہ وہ آئندہ سینیٹ انتخابات میں فلوریڈا سے امریکی سینیٹ کے لیے انتخاب لڑیں گی۔

یہ بھی پڑھیے

ایوانکا ٹرمپ کو اس وقت وائٹ ہاؤس میں اعلیٰ مشیر کی حیثیت حاصل ہے لیکن والد کی صدارت چھوڑنے سے پیشتر ہی ایوانکا کے مستقبل کے حوالے سے مختلف افواہیں گردش کر رہی ہیں۔

ٹرمپ کی بیٹی پر یہ الزام بھی ہے کہ انہوں نے ٹیکس سے مستثنیٰ غیرمنافع بخش تنظیم کے فنڈز کا استعمال ٹرمپ کے رئیل اسٹیٹ کے کاروبار اور دیگر کمپنیوں کو فائدہ پہنچانے کیلئے کیا۔

انہوں نے ان الزامات کو مسترد کرتے ہوئے سیاسی انتقام قرار دیا ہے۔

امریکی نیوز چینل نے اپنے ذرائع کے حوالے سے دعویٰ کیا کہ اب ایوانکا سیاست میں باضابطہ طور پر آنے کا ارادہ رکھتی ہیں۔