فرمان الہی
نماز کے اوقات
1۔ دنیا میں ہے ایک خزانہ
اس کامالک بڑا سیانا
اس کو ہاتھوں ہاتھ لٹائے
پر دولت بڑھتی ہی جائے
*********
2 ۔ ہاتھ میں لے کر ذرا گھمایا
گول بنا کر اُسے دبایا
ہوا جونہی وہ چوڑا چکلا
جلتی آگ پہ اُسے نچایا
*********
3۔ کالے کو جب آگ میں ڈالا
لال ہوا تو اُسے نکالا
بس اُس کی شامت آئی
قسمت میں تھی خوب پٹائی
*********
4۔ کون ہے وہ پہچانو تم
جس کے ساتھ لگی ہے دم
جوں جوں آگے بڑھتی جائے
دم اُس کی بس گھٹتی جائے
*********
5۔ ہے وہ ایسا کون شیطان
ناک پے بیٹھے پکڑے کان
*********
6۔ آپ جلے نہ مجھ کو جلائے
اس کا جلنا من کو بھائے
گھوم گھوم کے ہوئی تیار
سب کو آئے اس پر پيار
*********
7۔ تن کی پتلی، سر کی موٹی
ہلکی پھلکی، قد کی چھوٹی
سرپٹخے اور طیش میں آئے
اگلے شعلہ اور آگ لگائے
*********
8۔ ہو اگر بخار کا مارا
کیوں نہ چڑھے پھر اس کا پارہ
*********
9۔ جب بھی دسترخوان بچھایا
اک ایسا مہمان بھی آیا
جھوٹا کردے وہ ہر کھانا
اور مشکل ہو اُسے بھگانا
*********
10۔ تول کر پوری لے کر آئے
گھر تک لاتےہی گھٹ جائے
(پہیلیوں کے جوابات)
جواب 1 علم
جواب 2 آٹے کا پیڑا
جواب 3 لوہا
جواب 4 سوئی دھاگہ
جواب 5 عینک
جواب 6 جلیبی
جواب 7 ماچس کی تیلی
جواب 8 تھرمامیٹر
جواب 9 مکھی
جواب10۔ برف
