پاکستان سمیت 40 ممالک نے برطانیہ سے رابطے توڑ لیے

برطانیہ میں کورونا وائرس کی سامنے آنے والی تبدیل شدہ نئی قسم زیادہ تیزی سے پھیلنے لگی جس کے باعث پاکستان سمیت 40 سے زائد ممالک نے برطانیہ سے فضائی اور زمینی رابطے توڑ لیے۔

سارس کوویڈ وائرس ٹو کی جینیاتی طور پر اس تبدیل شدہ شکل کا نام بی ون ون سیون ہے۔

یورپ کے مزید ممالک کی برطانیہ پر سفری پابندیاں عائد

کورونا وائرس کی زیادہ خطرناک اور تیزی سے پھیلنے والی نئی قسم سامنے آنے کے بعد کئی یورپی ممالک نے برطانیہ پر سفری پابندیاں عائد کردی۔

ستمبر میں انگلینڈ میں سامنے آنے والے اس وائرس میں جینیاتی طور پر 23 تبدیلیاں ہیں۔

ماہرینِ صحت کے مطابق کوروناوائرس کی نئی قسم بچوں میں بھی اتنی ہی تیزی سے پھیل رہی ہے جس قدر بڑوں میں پھیل رہی ہے۔

ماہرینِ صحت کا مزید کہنا ہے کہ اس نئی قسم سے بچنے کے لیے بھی ماسک سے چہرے کو ڈھکنا، ہینڈ سینی ٹائزر کا استعمال ضروری ہے، اس کے خاتمے کے لیے ویکسین کارگر ہو گی۔

کورونا وائرس کی تبدیل شدہ یہ نئی قسم ابھی امریکا میں پھیلنے کے شواہد نہیں ملے ہیں۔