وزیراعلیٰ پنجاب سیکریٹریٹ کے افسران کے کورونا ٹیسٹ شروع

وزیراعلیٰ پنجاب سیکریٹریٹ کے افسران کے کورونا وائرس ٹیسٹ کرنے کا آغاز ہوگیا ہے۔ 

ذرائع کے مطابق وزیراعلیٰ پنجاب عثمان بزدار کا کورونا وائرس ٹیسٹ مثبت آنے کے بعد افسران کے کورونا ٹیسٹ کرنے کا فیصلہ کیا گیا۔

ذرائع کا کہنا ہے کہ محکمہ صحت کی دو ٹیمیں وزیراعلیٰ سیکرٹریٹ پہنچ گئیں جہاں کورونا وائرس ٹیسٹ کے لیے اسٹاف کے سیمپل لیے جارہے ہیں۔

وزیر اعلیٰ پنجاب عثمان بزدار کا کورونا ٹیسٹ مثبت آگیا

ذرائع ایوان وزیر اعلیٰ کا کہنا ہے کہ وزیر اعلی پنجاب کی طبعیت ناساز ہونے پر آج ٹیسٹ کیلیے اُن کا سیمپل لیا گیا تھا۔

 ذرائع نے مزید بتایا کہ وزیراعلیٰ کے پی ایس ون حیدر علی کا کورونا وائرس ٹیسٹ نیگیٹو آگیا ہے۔