• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میں 10سالہ بچے سمیت چارافراد جان کی بازی ہارگئے

میرا شہر
اسلام آباد
23 دسمبر ، 2020
راولپنڈی (سٹاف رپورٹر)راولپنڈی کے مختلف علاقوں میں 10سالہ بچے سمیت چارافراد جان کی بازی ہارگئے ۔تھانہ آراے بازارکے علاقہ میں غریب محنت کش نے گھریلوٹینشن کے باعث خودکشی کرلی۔اے ایس آئی ذوالفقارنے بتایاکہ عملدارچوک گروٹی سٹاپ کے علاقہ میں امام بارگاہ قصرزینب کے قریب کرائے کے مکان میں رہائش پذیر21سالہ اسرارخان منگل کی شام گلے میں پھنداڈال کرچھت سے لٹک گیا ،پولیس کے مطابق وہ فروٹ اورسبزی کی ریڑھی لگاتاتھا اورمہمندایجنسی کارہنے والاتھا پولیس نے لاش قبضے میں لیکر پوسٹ مارٹم کے لئے ڈسٹرکٹ ہیڈکوارٹر ہسپتال راولپنڈی منتقل کردی ۔تھانہ روات کے علاقہ روات کلرسیداں روڈساگری سٹاپ کے قریب ایک نوجوان کوسرمیں گولی مارکرقتل کردیا گیا۔ ریسکیو1122کے مطابق منگل کی رات ساگری سٹاپ کے نزدیک رمیال گاؤں سے 19سالہ حبیب الرحمٰن ولدشوکت علی کی ڈیڈباڈی ملی اس کے سرکے عقبی حصہ میں فائرمارکراسے موت کے گھاٹ اتاراگیا،ڈیڈباڈی ڈسٹرکٹ ہیڈکوارٹرہسپتال راولپنڈی منتقل کردی گئی۔تھانہ ائرپورٹ کے علاقہ چکلالہ سکیم تھری پام سٹی نزدبوستان روڈ دس سالہ بچہ نالے میں گرکرجاں بحق ہوگیا،ریسکیوترجمان کے مطابق ابراہیم ولد محمدعظیم کے گھروالوں نے بتایاکہ اس کاجوتانالے میں گرگیاجسے نکالتے ہوئے وہ پاؤں پھسلنے سے نالے میں جاگراجس سے اس کی موت واقع ہوگئی ۔تھانہ مری کے علاقہ میں جھیکاگلی کے قریب ٹرک کی ٹکرلگنے سے عمرخورشیدنامی شخص جاں بحق ہوگیا۔
تازہ ترین