فرمان الہی
نماز کے اوقات
لاہور، ڈیرہ اسماعیل خان (نمائندہ جنگ، ایجنسیاں) پاکستان ڈیمو کریکٹ موومنٹ کے سربراہ مولانا فضل الرحمٰن اور مسلم لیگ (ن) کی نائب صدر مریم نواز نے گرینڈ ڈائیلاگ کی تجویز کو مسترد کردیا ہے۔
تفصیلات کے مطابق مولانا فضل الرحمٰن نے کہا ہے کہ حکومت کیخلاف تمام اپوزیشن جماعتیں ایک پلیٹ فارم پر ہیں ہمارا یہ مطالبہ ہے کہ وزیراعظم استعفیٰ دے شفاف انتخابات کا انعقاد کرایا جائے۔
ڈیرہ اسماعیل خان میں میڈیا سے بات چیت کرتے ہوئے انہوں نے کہا کہ اپوزیشن جماعتوں کے اجلاس میں مختلف امور پر تبادلہ خیال ہوتا ہے مگر تمام جماعتیں ابھی تک متفقہ فیصلے پر سختی سے کاربند ہیں کسی جماعت یا لیڈر کی ذاتی رائے کو بنیاد بنا کر اس کو پی ڈی ایم کے معاملات سے جوڑنا درست نہیں کیونکہ تمام جماعتیں متفقہ فیصلے کی ہی پاسداری کر رہی ہیں۔
انہوں نے کہا کہ فنکشنل لیگ اسٹیبلشمنٹ کی بی ٹیم ہے جسکے لوگ تفویض شدہ ڈیوٹیاں دے رہے ہیں، شہباز شریف ایک قیدی ہیں، ان سے کوئی بھی مل سکتا ہے،لیکن موقف تبدیل نہیں کرایا جا سکتا۔
دریں اثناء مسلم لیگ (ن) کی نائب صدر مریم نواز نے کہا ہے کہ پی ڈی ایم کا فیصلہ ہے ،کوئی مذاکرات نہیں کیے جائیں گے، کسی طرح کے مِنی یا گرینڈ ڈائیلاگ کی باتیں بے معنی ہیں،جعلی اور کٹھ پتلی حکومت کو کسی طرح کا این آر او نہیں ملے گا۔
