فرمان الہی
نماز کے اوقات
کراچی(ٹی وی رپورٹ‘آئی این پی )پیپلز پارٹی کے اسیر رہنما سید خورشید شاہ نے پارٹی چیئرمین بلاول بھٹو زرداری کو استعفے نہ دینے کا مشورہ دیتے ہوئے کہاہے کہ استعفے دینے سے حکومت کے خاتمے کا مسئلہ حل نہیں ہوگا‘پارٹی کو 1985ء کے الیکشن کی مثال یاد رکھنا چاہئے ۔
تفصیلات کے مطابق بلاول بھٹو، شہید محترمہ بے نظیر بھٹو کی 13ویں برسی میں شرکت کیلئے گڑھی خدا بخش روانگی کیلئے سکھر ائیر پورٹ پہنچنے کے بعد قومی ادارہ برائے امراض قلب روانہ ہوئے جہاں انہوں نے پی پی کے اسیر رہنما سید خورشید شاہ سے ملاقات کی ‘ان کی خیریت دریافت کی اوران کی بھتیجی کے انتقال پر تعزیت کا اظہار کیا ‘
ملاقات میں دونوں رہنماؤں کےدرمیان پی ڈی ایم تحریک اوراستعفوں سمیت اہم سیاسی معاملات پر تبادلہ خیال کیا گیا۔خورشید شاہ نے بلاول بھٹو سے کہاکہ پی پی اراکین اسمبلی نے استعفے جمع کراکے مثال قائم کی ہے ۔
خورشید شاہ نے کہاوہ نہیں سمجھتے کہ استعفے دینے سے حکومت کے خاتمے کا مسئلہ حل ہوگا پارٹی کو 1985ء کے الیکشن کی مثال یاد رکھنا چاہئے۔
