• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسیحی برادری کی خوشیوں میں برابر کے شریک ہیں،سی سی پی او پشاور

میرا شہر
پشاور
26 دسمبر ، 2020
پشاور (کرائم رپورٹر)سی سی پی او پشاور عباس احسن نے کر سمس کے حوالے سے پشاور کے مختلف چرچز کا خصو صی دورہ کیا،دورے کے دوران سی سی پی او پشاور نے مسیحی برادری کو کرسمس کی مبارکباد پیش کر تے ہوئے آل سینٹ جانز چرچ کوہاٹی چوک میں مسیح برادری کے ساتھ کیک بھی کاٹا، اس موقع پر چیف ٹریفک آفیسر عباس مجید خان مروت، ایس ایس پی آپریشن منصور امان، ایس پی سٹی عمران خان، ایس پی سکیورٹی عتیق شاہ اور دیگر پولیس افسران بھی موجود تھے۔عباس احسن نے کہا کہ مسیح برادری کے خوشیوں میں برابر کے شریک ہیں، اقلیتوں کے تحفظ اور کرسمس کے حوالے سے فول پروف سکیو رٹی پلان ترتیب دیا گیاہے، تمام چرچز کی بی ڈی یو کے ذریعے سویپنگ کی گئی۔انہوں نے کہا کہ مسیحی برادری سمیت تمام اقلیتوں کی تحفظ اولین ترجیح ہے ملک کی ترقی میں مسیحی برادری کا اہم کردار ہے،مسیحی برادری کے خوشیوں میں برابر کے شریک ہیں۔دورے کے دوران سی سی پی او عباس احسن اور ایس ایس پی آپریشن منصور امان نے گرجا گھروں کے احاطے اور اطراف کا معائنہ کرتے ہوئے سکیورٹی انتظامات کا تفصیلی جائزہ لیا، سی سی پی او نے چرچ رہنماو کیساتھ بات چیت کے دوران سکیورٹی صورتحال اور باہمی امور ہ پر تبادلہ خیال کرتے ہوئے ڈیوٹی پر موجود پولیس افسران و اہلکاروں کو الرٹ رہنے کی ہدایت کی، انہوں نے چرچز اور عبادت گزاروں کے تحفظ کے لئے کئے گئے سکیورٹی انتظامات پر اطمینان کا اظہار کیا جبکہ سکیورٹی کو مزید موثر بنانے کے لئے ڈیوٹی پر موجود اہلکاروں کو ضروری ہدایات دیں۔
تازہ ترین