-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان مسلم لیگ نون کی ترجمان مریم اورنگزیب کہتی ہیں کہ احمد فراز کے نظریات کے بدترین مخالف کا ترجمان خود ان کا بیٹا ہے، ان کی سیاست اپنی ذات سے شروع ہوکر اپنی ذات پر ہی ختم ہوجاتی ہے۔
ترجمان مسلم لیگ نون مریم اورنگزیب نے وزیر اطلاعات شبلی فراز کے بیان پر ردعمل دیتے ہوئے کہا کہ نواز شریف کا نام پاکستان کی ترقی، دفاع اور سلامتی کی بنیادوں میں ہے۔
مریم اورنگزیب نے شبلی فراز اور موجود حکومت کو آڑے ہاتھوں لیتے ہوئے کہا کہ ان کے پاس بےروزگاری، منہگائی اور اندھیرے دینے کے سوا کچھ نہیں۔
اُنہوں نے کہا کہ آٹا، چینی، گیس اور ایل این جی چوری کا نام آیا تو عمران خان کا نام آئے گا، ووٹ چوری، غیرملکی فارن فنڈنگ کا نام آیا تو عمران خان کا نام آئے گا۔
اپنے بیان میں اُنہوں نے یہ بھی کہا کہ 23 فارن فنڈنگ اکاؤنٹس، یوٹرن اور کرپشن کا نام آیاتو عمران خان کا نام آئے گا۔
مریم اورنگزیب نے کہا کہ عمران خان تابعدار اور تھانیدار ذہنیت کے مالک ہیں اور آج یہ شبلی فراز نے مان لیا۔
اُنہوں نے کہا کہ عوام کی تابعداری، آٹا چینی، روٹی اور دوائی چوری سے نہیں ہوتی۔
مریم اورنگزیب نے کہا کہ عوام کی تابعداری ان کی معیشت اور روزگار تباہ کرنے سے نہیں ہوتی، ان کی بجلی گیس چوری سے نہیں ہوتی۔
آخر میں اُنہوں نے سوالیہ انداز میں کہا کہ دل پر ہاتھ رکھ کر بتائیں کہ عمران خان کانام آئے گا تو کیا یاد آئے گا؟
واضح رہے کہ وفاقی وزیرِ اطلاعات و نشریات سینیٹر شبلی فراز نے اپنے بیان میں کہا تھا کہ آج ذوالفقار علی بھٹو اور بی بی شہید کی روح کوتکلیف پہنچ رہی ہوگی کہ ان کے فلسفے اور نظریات کے بد ترین مخالف آج ان کے گھر براجمان ہیں۔
