بھٹو کے اصل وارث دربدر ہیں، فردوس عاشق اعوان

وزیراعلیٰ پنجاب کی معاون خصوصی ڈاکٹر فردوس عاشق اعوان کہتی ہیں کہ بھٹو کے اصل وارث دربدر ہیں، بھٹو کے حقیقی ورثے کو حق نہ دینے والے سندھ کے عوام کو کیا انصاف دیں گے۔

سماجی رابطے کی ویب سائٹ ٹوئٹر پر جاری کیے گئے اپنے بیان میں فردوس عاشق اعوان نے کہا کہ بی بی شہید کے مزار پر جعلی راجکماری نے معذرت تو ضرور کی ہوگی۔

فردوس عاشق اعوان نے کہا کہ بھٹو کی وراثت، سیاست پر قابضین اور جمہوریت کے خلاف سازشوں میں مصروف ہے۔

بے نظیر بھٹو کی شہادت کو 13 سال ہوگئے

پاکستان پیپلز پارٹی کے چیئرمین بلاول بھٹو، آصف علی زرداری اور دیگر پارٹی رہنما جلسہ عام سے خطاب کریں گے

اُنہوں نے یہ بھی کہا کہ جعلی راجکماری کی گڑھی خدا بخش آمد سے ذوالفقار بھٹو اور بی بی شہید کی روح تڑپ اٹھی ہوگی۔

اپنے بیان میں اُن کا یہ بھی کہنا تھا کہ قابض گروہ نے بھٹو خاندان کی قربانیاں ذاتی مفاد پر قربان کردیں۔

فردوس عاشق اعوان نے مزید کہا کہ ضیاالحق کے منہ بولے بیٹے اور اس کی باقیات کو گلے لگاکر جمہوری فلسفہ تار تار کردیا۔