-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
کراچی(اسٹاف رپورٹر) پاکستان سپر لیگ کے چھٹے ایڈیشن کے لیے سے بعض کھلاڑیوں کو اپنی ٹیم میں برقرار رکھنے کا عمل مکمل ہوگیا،دفاعی چیمپئن کراچی کنگز نے قومی کپتان بابر اعظم کو اپنے دستے میں برقرار رکھا ہے، 6 فرنچائز ز کی جانب سے ری ٹین کیے گئے کھلاڑیوں کی فہرست پی سی بی نے جاری کر دی ہے۔پاکستان سپر لیگ کے چھٹے ایڈیشن کی ڈرافٹنگ اتوار کو لاہور میں کی جائے گی، ری ٹینشنز کھلاڑیوں میں لاہور قلندرز نے پلاٹینم میں محمد حفیظ، شاہین شاہ آفریدی، ڈائمنڈ میں فخر زمان ،ڈیوڈ ویسا، حارث رؤف، گولڈ میں بین ڈنک اور دلبر حسین جب کہ سلور میں سہیل اختر کو ری ٹین کیا ہے۔دفاعی چیمپئن کراچی کنگز نے پلاٹینم میں بابراعظم، محمد عامر، کولن انگرام، ڈائمنڈ میں عماد وسیم، گولڈ میں عامر یامین، شرجیل خان، سلور میں وقاص مقصود اور ایمرجنگ میں ارشد اقبال کو ری ٹین کیا ہے۔ملتان سلطانز نے پلاٹینم میں شاہد آفریدی اور رائلی روسو، ڈائمنڈ میں سہیل تنویر عمران طاہر خوشدل شاہ جب کہ گولڈ میں جیمز ونس، شان مسعود اور عثمان قادر کو برقرار رکھا ہے۔پشاور زلمی نے 5 کھلاڑیوں کو ری ٹین کیا جن میں پلاٹینم میں وہاب ریاض، شعیب ملک، ڈائمنڈ میں کامران اکمل اور گولڈ میں لیام لیونگ اسٹون اور حیدر شامل ہیں۔کوئٹہ گلیڈی ایٹرز نے پلاٹینم میں سرفراز احمد، ڈائمنڈ میں بین کٹنگ، محمد حسنین محمد نواز، گولڈ میں اعظم خان نسیم شاہ جب کہ سلور میں زاہد محمود اور انور علی کو ری ٹین کیا ہے۔اسلام آباد یونائیٹڈ کے پلاٹینم میں شاداب خان، ایلیکس ہیلز، ڈائمنڈ میں کولن منرو فہیم اشرف، گولڈ میں حسین طلعت، آصف علی جب کہ سلور میں موسی خان اور ظفر گوہر شامل ہیں۔اسلام آباد یونائیٹڈ نے ڈیل اسٹین، لیوک رونکی، فل سالٹ اور رومان رئیس کو ریلیز کردیا ہے جب کہ کراچی کنگز نے کیمرون ڈیلپوٹ، چیڈویک والٹن، کراس جارڈن ، افتخار احمد، محمد رضوان ، عمر خان اور اسامہ میر کو ریلیز کیا ہے۔لاہور قلندرز نے عابد علی، کرس لین، ڈین ویلاز، سلمان بٹ، سلمان ارشاد، سمٹ پٹیل اور عثمان شنواری کو ریلیز کیا ہے۔ملتان سلطانز نے اسد شفیق، بلاول بھٹی، جیند خان، محمد عرفان، روحیل نذیر ، روی بوپارا، معین علی اور ذیشان اشرف کو ریلیز کر دیا ۔
