آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ن لیگی رہنما مدثر قیوم ناہرہ جیل سے رہا

اپوزیشن کی سب سے بڑی جماعت مسلم لیگ (ن) کے سابق رکن قومی اسمبلی مدثر قیوم ناہرہ کو جیل سے رہا کردیا گیا۔

مدثر ناہرہ جیل سے رہائی کے بعد جلوس کی شکل میں گھر کےلیے روانہ ہوئے۔

مدثر ناہرہ کی گرفتاری پر سابق وزیراعظم نواز شریف کی صاحبزادی مریم نواز نے حکومت پر ریاستی مشینری کے ناجائز استعمال کا الزام لگایا تھا۔


انہوں نے سماجی رابطے کی ویب سائٹ پر جاری بیان میں مزید کہا تھا کہ ان اقدامات سے آپ بے قصور ن لیگی عہدیداران کو گرفتار تو کرسکتے ہیں لیکن ووٹ کو عزت دو  کا علم تھامے ان نڈر سپاہیوں کو منزل تک پہنچنے سے روک نہیں سکتے۔

 یاد رہے کہ مدثر قیوم ناہرہ کو اینٹی کرپشن نے گرفتار کیا تھا، ان پر سرکاری اراضی پر قبضے کے دو مقدمات درج ہیں۔

اینٹی کرپشن عدالت نے مدثر ناہرہ کو ضمانت پر رہا کرنے کا حکم دیا تھا، جس پر انہیں آج رہائی ملی ہے۔

قومی خبریں سے مزید