شاہی القاب کے غلط استعمال پر ہیری اور میگھن پر سخت تنقید، پیسہ بنانے کا الزام

14 جنوری ، 2021

میگھن مارکل اور پرنس ہیری پر ان دنوں شاہی خطاب یا القاب کے غلط استعمال پر کڑی تنقید کی جارہی ہے اور کہا جارہا ہے کہ وہ اس کے ذریعے پیسہ بنارہے ہیں۔

دونوں کے شاہی خاندان سے الگ ہونے سے قبل جو کچھ طے ہوا تھا اس کے جائزے کے دوران ڈیوک اور ڈچز آف سسیکس سے کہا گیا تھا کہ وہ اس اعزاز کو ترک کردیں یا پھر اس کے غلط استعمال کے نتائج بھگتنے کے لیے تیار رہیں۔

اس معاملے پر گفتگو کرتے ہوئے شاہی مصنف فل ڈیمپیئر نے برطانوی اخبار ڈیلی ٹیلی گراف کو بتایا کہ یہ بات یقینی ہے کہ پرنس ہیری اور میگھن واپس نہیں آئیں گے، اور انھوں نے امریکا میں اپنی زندگی بنالی ہے۔

یہ بھی پڑھیے

تو اب سب کے لیے یہ بہتر ہوگا کہ وہ اس حوالے سے ایک لکیر کھینچ لیں۔ میں سمجھتا ہوں کہ یہ دونوں رضاکارانہ طور پر ان القابات کو چھوڑ دیں یا کم ازکم اس کا استعمال ترک کردیں، اس طرح ان پر اس حوالے سے مزید تنقید نہیں ہوگی کہ وہ اس سے فائدہ اٹھارہے ہیں۔

دریں اثنا میجسٹی میگزین کے منیجنگ ایڈیٹر جوئے لٹل نے کہا کہ پرنس ہیری اور میگھن امریکا منتقل ہوگئے ہیں اور وہ واپس نہیں آرہے، تو پھر ہم سب کو چاہیے کہ اب آگے کی جانب بڑھیں۔

تازہ ترین