آپ آف لائن ہیں
اتوار22؍ رجب المرجب 1442ھ 7؍مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

الیکشن کمیشن کا انصاف پرمبنی فیصلہ کیوں نہیں آ رہا: مولانا عبدالغفور حیدری

جمعیت علمائے اسلام ف کے رہنما مولانا عبدالغفور حیدری نے سوال اٹھایا ہے کہ الیکشن کمیشن کاانصاف پرمبنی فیصلہ کیوں نہیں آرہا۔

اسلام آباد میں الیکشن کمیشن کے باہر پی ڈی ایم کے احتجاحی مظاہرے سے خطاب کرتے ہوئے جمعیت علمائے اسلام ف کے رہنما مولاناعبدالغفورحیدری کا کہنا تھا کہ آج انسانوں کا سمندر الیکشن کمیشن کے باہر جمع ہے۔

انہوں نے مطالبہ کیا کہ الیکشن کمیشن بتائے کہ غیر ملکی فنڈنگ کیس کو کیوں دبا رکھا ہے، نیب سے پوچھنا چاہتا ہوں کہ نواز شریف، فضل الرحمٰن، آصف زرداری، شہباز شریف کا کیا قصور ہے؟

مولانا عبدالغفور حیدری نے مزید کہا کہ میاں نواز شریف، مولانا فضل الرحمٰن، آصف علی زرداری اور میاں شہباز شریف نے آئینہ دکھایا۔


جمعیت علمائے اسلام ف کے رہنما نے یہ بھی کہا کہ ہم نے پہلے بھی آپ کا مقابلہ کیا اور آگے بھی کریں گے، تم مولانا فضل الرحمٰن کو کیوں خوفزدہ کرتے ہو؟

قومی خبریں سے مزید