• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ارنب گوسوامی چیٹ لیک، ریتک روشن اور کنگنا سے متعلق انکشافات

آج کا اخبار
دل لگی
20 جنوری ، 2021
ارنب گوسوامی چیٹ لیک، ریتک روشن اور کنگنا سے متعلق انکشافات

نئی دہلی (مانیٹرنگ ڈیسک)بھارتی صحافی ارنب گوسوامی کی چیٹ لیک نے بھارت بھر میں تہلکہ مچا دیا ہے اور اس کا اثر فلم صنعت پر بھی ہورہا ہے۔گزشتہ دنوں بھارتی صحافی ارنب گوسوامی کی چیٹ لیک ہوئی تھی جس سے بھارت کی سیاست میں بھونچال آگیا ہے۔ اس چیٹ لیک کے بعد اپوزیشن جماعتوں کی جانب سے بھارتی حکومت پر مزید دباؤ بڑھ گیا ہے جبکہ اس چیٹ کا اثر ملکی سیاست ہی نہیں بلکہ فلم انڈسٹری پر پڑا ہے اور کئی اہم انکشافات ہوئے ہیں۔رپورٹس کے مطابق کچھ عرصہ قبل ریتک کی جانب سے کنگنا پر محبت بھری ای میل بھیجنے کا الزام عائد کیا تھا اور انہی دنوں گواسوامی نے اداکار کا انٹرویو کیا تھا اور اس کے بعد بھارتی براڈ کاسٹ آڈیئنس ریسرچ کونسل (بی اے آر سی) کے سربراہ سے چیٹ کی تھی۔اب اسی چیٹ لیک میں بولی وڈ اسٹارریتک روشن اور کنگنا رناوت سے متعلق بھی اہم انکشافات کیے گئے ہیں۔ لیک چیٹ کے مطابق کنگنا رناوت ریتک روشن کیلئے پاگل ہورہی تھی اور ہر حد پار کررہی تھی۔ اس چیٹ میں ارنب گوسوامی ریتک روشن کو بیوقوف قرار دیتے ہیں۔خیال رہے کہ 2017 میں کنگنا رناوت نے ریتک روشن کو اپنا سابقہ عاشق قرار دیتےہوئے ان پر فحش تصاویریں اور ای میلز کرنے کا الزام عائد کیا تھا جس کے بعد سے ہی دونوں میں لفظوں کی جنگ چھڑگئی تھی۔

تازہ ترین